『立靜情緣』

阿靜消失了，但傳聞播映五年多《真情》可能於二千年春節，正式向觀眾講拜拜！咦！咁阿靜咪一去冇回頭！

　　已經播到過千集的超長處境劇《真情》，曾屢次傳出向觀眾講拜拜的消息，但《真情》收視人數長期坐穩一百五十萬以上，所以《真情》拍下拖下，轉眼已播到第5年！不過，近期又有消息傳出，《真情》的確可以橫跨千禧年，惟於明年春節左右，《真情》亦終於要告一段落，向觀眾講句天下無不散之筵席咯！

監製未接指示

　　《真情》監製徐遇安對傳言就表態道：「暫時未知喎，我未聽過呢個消息，總之一切交由公司指示啦！」

 　　《真情》是否拜拜還尚待證實，但劇中人物阿靜（彭子晴飾）同立生（盧慶輝飾）就真係要淡出《真情》啦！因彭子晴向無線請假半年，陪阿爸去美國旅行散心。故劇情方面，亦已鋪排妥當，大致講述阿靜與立生婚後未幾，其兄木川（楊英偉飾）個女四喜咁皐去外國讀書，阿靜放心不下，決陪伴侄女左右，一同飛往外國，而立生又捨不得嬌妻，於是又飛埋去外地同老婆相宿相棲秡！

　　就係咁，因為彭子晴要請假，盧慶輝就無端端受到牽連，一同消失於《真情》！

對得住屋企人

　　昨日《真情》全體演員扮到靚靚前往沙田大會堂，拍攝立生與阿靜結婚的鏡頭，盧慶輝對被阿靜牽連一事則笑謂：「唔好咁講！我暫時停一排，公司會調番我出去拍其他20集劇，公司有公司策略！」

　　被酷熱陽光曬到矇豬眼的「新娘子」彭子晴，雖然快要離開《真情》，但她仍輕鬆地笑說：「唔捨得就梗有，但我依家都未知拍到幾時，放假又未定實時間，如果早過半年話，我可以返公司消假，至於以後去向，隨心所欲啦！（怕唔怕今次放假會惹人作敏感揣測？）乜都有人講啦，總之我做問心無愧，對得住屋企同良心咪得囉。」